JD Boys Trophy ನಲ್ಲಿ ದಾಕಲೆ ಬರೆದ NM ಮಂಗಳೂರು ತಂಡ

Bedra Media April 05, 2026

ಮಂಗಳೂರು:

JD Boys ಆಯೋಜಿಸಿದ ಕ್ರಿಕೆಟ್ ಟೂರ್ನಿಯಲ್ಲಿ ಈ ಬಾರಿ ನಿಜಕ್ಕೂ ಐತಿಹಾಸಿಕ ಕ್ಷಣಕ್ಕೆ ಸಾಕ್ಷಿಯಾಯಿತು. ಈ ಟೂರ್ನಿಯ ಇತಿಹಾಸದಲ್ಲಿ ಇದುವರೆಗೆ ನಡೆದ ಎಲ್ಲಾ ಆವೃತ್ತಿಗಳಲ್ಲೂ ಪ್ರತಿ ವರ್ಷವೂ ವಿಭಿನ್ನ ತಂಡಗಳು ಚಾಂಪಿಯನ್ ಆಗುತ್ತಾ ಬಂದಿದ್ದವು. ಒಂದು ಬಾರಿ ಚಾಂಪಿಯನ್ ಆದ ತಂಡ ಮತ್ತೆ ಕಿರೀಟ ಗೆದ್ದ ಉದಾಹರಣೆ ಇರಲಿಲ್ಲ ಎಂಬುದು ವಿಶೇಷವಾಗಿತ್ತು.

ಆದರೆ ಈ ಬಾರಿ ಆ ಪರಂಪರೆಯನ್ನೇ ಮುರಿದು NM ಮಂಗಳೂರು ತಂಡ ಹೊಸ ಇತಿಹಾಸ ನಿರ್ಮಿಸಿದೆ. 9ನೇ ವರ್ಷದ JD Boys ಟ್ರೋಫಿಯಲ್ಲಿ ಅದ್ಭುತ ಪ್ರದರ್ಶನ ನೀಡಿದ NM ಮಂಗಳೂರು ತಂಡ, ಶ್ರಮ, ತಾಳ್ಮೆ ಮತ್ತು ತಂಡದ ಒಗ್ಗಟ್ಟಿನ ಮೂಲಕ ದ್ವಿತೀಯ ಬಾರಿಗೆ ಚಾಂಪಿಯನ್ ಆಗಿ ಎಲ್ಲಾ ಹಿಂದಿನ ದಾಖಲೆಗಳನ್ನು ದಾಕಲೆ ಬರೆದಿದೆ.

NM ಮಂಗಳೂರು ತಂಡ ತನ್ನ ಪ್ರಾಬಲ್ಯವನ್ನು ಸಾಬೀತುಪಡಿಸಿ, ಪ್ರತಿಸ್ಪರ್ಧಿ ತಂಡದ ಮೇಲೆ ಸಂಪೂರ್ಣ ಹಿಡಿತ ಸಾಧಿಸಿತು. ಬ್ಯಾಟಿಂಗ್ ಮತ್ತು ಬೌಲಿಂಗ್ ಎರಡರಲ್ಲಿಯೂ ಸಮತೋಲನ ಪ್ರದರ್ಶನ ನೀಡಿದ ತಂಡ, ಅಭಿಮಾನಿಗಳ ನಿರೀಕ್ಷೆಗಳನ್ನು ಮೀರಿ ಕ್ರೀಡಾಭಿಮಾನಿಗಳಿಗೆ ರೋಚಕ ಕ್ಷಣಗಳನ್ನು ನೀಡಿತು.

ಈ ಟೂರ್ನಿಯಲ್ಲಿ SDC ಜೆಪ್ಪು ತಂಡ ದ್ವಿತೀಯ ಸ್ಥಾನ ಪಡೆದು ಉತ್ತಮ ಪ್ರದರ್ಶನ ನೀಡಿತು. ಫೈನಲ್ ಪಂದ್ಯದಲ್ಲಿ ಶಕ್ತಿಶಾಲಿ ಪೈಪೋಟಿ ನೀಡಿದರೂ, ಕೊನೆಯಲ್ಲಿ ರನ್ನರ್-ಅಪ್ ಸ್ಥಾನಕ್ಕೆ ತೃಪ್ತಿಪಟ್ಟಿತು.

ಈ ಗೆಲುವಿನೊಂದಿಗೆ NM ಮಂಗಳೂರು ತಂಡ ಟೂರ್ನಿಯ ಇತಿಹಾಸದಲ್ಲೇ ವಿಶಿಷ್ಟ ಸ್ಥಾನ ಪಡೆದಿದ್ದು, ಅಭಿಮಾನಿಗಳಲ್ಲಿ ಭಾರಿ ಸಂಭ್ರಮ ಮತ್ತು ಉತ್ಸಾಹ ಮೂಡಿಸಿದೆ. ತಂಡದ ಆಟಗಾರರ ಪರಿಶ್ರಮ ಹಾಗೂ ಸಮರ್ಪಣೆ ಎಲ್ಲೆಡೆಯಿಂದ ಪ್ರಶಂಸೆಗೆ ಪಾತ್ರವಾಗಿದೆ.

ಇನ್ನೊಂದೆಡೆ, JD Boys ಸಂಸ್ಥೆ ಕಳೆದ 9 ವರ್ಷಗಳಿಂದ “Cricket for Social Service” ಎಂಬ ಘೋಷವಾಕ್ಯದೊಂದಿಗೆ ಟೂರ್ನಿಯನ್ನು ಯಶಸ್ವಿಯಾಗಿ ನಡೆಸುತ್ತಿದ್ದು, ಕ್ರೀಡೆಯ ಮೂಲಕ ಸಮಾಜ ಸೇವೆಯ ಮಹತ್ವವನ್ನು ಸಾರುತ್ತಿದೆ. ಈ ಟೂರ್ನಿ ಕೇವಲ ಕ್ರೀಡೆಯಲ್ಲ, ಸಮಾಜಕ್ಕೆ ಒಳ್ಳೆಯ ಸಂದೇಶವನ್ನು ನೀಡುವ ವೇದಿಕೆಯಾಗಿಯೂ ಗುರುತಿಸಿಕೊಂಡಿದೆ.